呢水啲日劇終於啱心水，睇咗《Boss2》第1集，係就係公式，不過都算對辦。重量級男配角竹野內豐之前喺《流星》做苦情男，而喺《Boss2》就係一個英明能幹但有少少鹹濕嘅警方高層。與同齡嘅日本男藝人好似係木村拓哉、反町隆史同埋藤木直人相比，個人認為竹野內算係做戲，而且形象亦比較多變，留唔留鬚都咁靚仔。《Boss2》除咗有竹野內，仲有玉山鐵二呢個靚仔，但就好似削咗啲囉。
講開靚仔，曼聯以前有唔少，最經典嘅當然係碧咸同埋C朗啦。但係家就冇乜，最好樣嘅算係小豆同差啲俾人遺忘嘅奧雲。雖則曼聯冇乜靚仔球星，不過實力依然咁強，今晚主場對愛華頓，信佢哋可以全取3分。
青蛙仔
星期六15
曼聯vs愛華頓
心水：曼聯和[-1]
心得：紅魔有尾運