拿玻里目前以65分排意甲第2位，落後AC米蘭6分，仲有5場追。球會期望重溫20年嘅聯賽錦標荒，決定出奇招班球員落場搏盡。最佳方法，當然係由球員另一半着手。球會出咗8大規條，其中之一係叫班WAGs唔好成日發脾氣，搞到老公、男友集中唔到精神比賽。黃金規條仲寫到「成功男士背後總有賢淑嬌妻」支持，班WAGs為咗男方出人頭地，呢次肯定會落力配合！