50歲嘅紅姑鍾楚紅，事隔20年再接拍電視廣告。佢早排為代言兩年嘅美容中心拍電視廣告，拍攝時紅姑分別着上Celine同HarveyNichols嘅靚衫，有關方面仲用咗超過50塊玻璃鏡，通宵搭建巨型鏡陣，多角度反映紅姑靚樣。紅姑話通宵拍廣告，令佢諗番拍電影嘅日子：「好多年冇拍過廣告，今日又同啲老朋友見面，好懷念！」