去年人氣急升嘅「民主小女神」周澄，去年公投後到菲律賓為當地NGO工作，簽約一年，眨吓眼過咗大半年，周澄最近喺facebook透露不再與該NGO續約，換言之小女神好快就會回歸香港。
周澄去年中大畢業，主動申請去外地NGO工作，可惜理想與現實有落差，佢喺facebook猛呻，自問工作表現交足貨，但上司指佢融入唔到當地辦公室文化，似乎唔滿意佢唔肯埋堆，如果因為咁而冇得留低，真係令人Ｏ晒嘴，難怪小女神心有不甘。
周澄無透露未來去向，只係話要開始搵工，八方相信佢返嚟香港發展機會相當大。去年五區公投佢初次參選獲得唔少票數，明年立會選舉，如再出戰未必冇機。