方大同嘅全新專輯《15》今日推出，今次方大同為咗呢隻碟真係乜都親力親為，每日只係瞓得嗰四粒鐘，其餘時間都掛住錄音、編曲同混音等，人人見到佢都封佢做鐵人，連唱片公司老闆都好鬼擔心佢健康，勒令佢要好好休息。方大同好感激公司一直支持佢，仲一直畀好大自由度佢，佢話：「好多謝公司一直咁信任我，令我有好大空間去發揮。」