「電訊魔童」王維基對自己要求高，好多人都知，但就連對新請嘅大學生，佢嘅要求都係咁高。話說佢旗下嘅城市電訊（1137）早前搞咗個「CXOoftheFuture」管理培訓生招聘計劃，收到1153份嚟自全球153家大學畢業生嘅申請，經過兩個月遴選，結果揀咗21名應徵者。
參加36粒鐘外展計劃
魔童聯同城電管理層，同呢21名應徵者參加咗歷時36粒鐘嘅外展計劃，想考下班年輕人喺極端體能同心理狀況下，可唔可以互相合作，據聞如果喺整個外展計劃中跑輸俾老細，就無得留低。
公司最後揀咗中文大學畢業嘅Kiana石樂琦同科技大學嘅Mingo曾梓銘，呢兩位城電明日之星，喺公司能否幹一番大事就未知，但月薪最少三萬六，應該對得住父母。