「畀劉德華嘅錢，點解唔可以畀我哋？」藝人劉德華擔任匯泉代理的道地綠茶代言人逾10年，匯泉被指剋扣啤酒女郎遣散費及休息日工資，有啤酒女郎直斥匯泉花費大筆支出聘代言人，卻拒絕支付啤酒女郎的微薄賠償。
為匯泉推銷百威及哈爾濱啤酒的趙小姐，對公司的安排極為不滿，「畀劉德華嘅錢，點解唔可以畀我哋？況且呢啲錢係我哋應得嘅」。她連續上班三個月從未休假，「但係我請一日假，450蚊勤工就唔畀我」。
她曾在上班時跣倒，匯泉不准她放病假，「嗰度有灘水，我盆骨落地半邊身郁唔到，佢都要我返。我call白車，佢問我仲乜唔落去call，我落到去就唔使call白車，自己搭的士去醫院啦」。
開工遭客毆打
趙小姐指，啤酒女郎工作環境惡劣複雜，不少人都曾有工傷，亦有人在工作地點被毆打。去年6月同樣因「跣親」傷腳的黃小姐，亦控訴被迫開工，導致重複受傷，至今未癒。
本報記者