就嚟卸任嘅港姐陳庭欣，早前同黎諾懿喺赤柱撐枱腳被撞破，噚日佢接受商台電話訪問，解釋當日係普通食飯，又堅持自己住南區，去赤柱好近，加上係黎諾懿約食飯傾偈。佢話兩人緣於一個月前去長隆拍特輯，由於庭欣要獨自北上，好彩有黎諾懿同船陪伴照應，自始就成為啱傾嘅朋友，佢強調同黎諾懿只係朋友。