史篤城前日大炒保頓5蛋，戰果當然令人意外（喺足智彩賠率係250倍大冷膽），因為呢個係自1908年以嚟英足盃準決賽嘅最懸殊比數。家陣隊波取得球會歷史上第一個英足盃決賽資格後，產生全「城」效應。據講，有一名球迷原來安排下個月去大馬旅行，但睇見隊波前日咁勇，決定取消機票留喺英國，到時捧史篤城打冧曼城喎。