大馬女歌手梁靜茹噚日喺黃埔舉行巡迴演唱會香港站嘅記者會，佢對上一次喺香港舉行演唱會已經係兩年前嘅事，難怪佢喺記者會上表現得咁興奮，仲着得好性感現身！梁靜茹又話舉行演唱會期間老公同屋企人都會嚟香港支持佢，順道旅行，梁靜茹仲話演唱會歌衫會比噚日條裙再性感，老公唔會介意喎！