以下呢份，可能係世界上最筍嘅「學徒」招聘！英國《金融時報》噚日登咗個廣告，為咗紀念02年8月逝世嘅前副編輯兼首席經濟專欄作者PeterMartin，誠聘一個實習撰稿員。成功被取錄嘅，由6月尾開始喺《金融時報》倫敦總部返工，為時3個月，會獲得5000英鎊做旅費同住宿費。
跟首席經濟評論員學嘢
5000英鎊大概6萬幾港銀，即係平均月薪兩萬左右，當然唔係份工筍嘅地方，重點係被揀中嘅，喺嗰3個月將會入leader-writingteam，直接under《金融時報》首席經濟評論員MartinWolf，同首席評論員學嘢。被揀中相信好多人倒貼5000英鎊都肯。
入職要求起碼有個degree，相關科目有大學畢業資格，最重要係有excellent嘅經濟基礎，有創意，仲要識得深入淺出咁寫文章畀見多識廣但又唔多專業嘅讀者睇。