恭喜晒，繼卡斯辛奴之後，又一位意甲星級戰將阿古蘭尼（右）做老竇，佢個明星未婚妻葛杜絲奧姬前日為佢生咗個女，取名為歐露娜。呢位帥哥今季由利物浦回流意甲效力祖雲達斯之後，自己表現唔算好差；但隊友唔爭氣，祖記來季參戰歐聯無望，而據講佢都唔會獲斑馬兵團留用，來季又要返紅軍做大後備。唔知個B女會唔會好腳頭，令老竇事業可以順境番啲？