崔建邦前女友中巴鄺敏慧與緋聞女友MarinaV.，昨日一起出席尖沙嘴新太陽廣場的復活節活動，谷胸透視的Marina，性感擊敗中巴。今次已是兩人第三次同場，中巴表示不尷尬，她說：「都係工作為主，唔會介意同邊個工作。」
「Timing唔啱」
早前大晒有新歡向舊愛示威的中巴，表示已回復單身，她說：「拍咗3個月就分手，因為冇時間，timing唔啱，拍拖要睇緣份，有拖拍都會拍，急都冇用，唔想求其搵一個男朋友。」問到崔建邦近日生性學韓文，她說：「生性就好喇，同佢冇聯絡，件事都發生咗一年啦。」
Marina則透露現正與一男士約會中，問到男性友人可會介意她太性感，她說：「我諗佢會鍾意我性感，都唔想太快拍拖住，我將會到新加坡工作兩個月，主要想休息吓，香港壓力太大。」
採訪、攝影：LoMui