巴塞對皇馬嘅國家打吡，兩軍名宿自不然成為傳媒追訪對象；踢過又教過巴塞嘅荷蘭球王告魯夫，笑摩連奴係披羊皮嘅狼，成日扮無辜，不過球隊踢法凶狠，今次最終9對11都唔奇。而皇馬名宿兼榮譽主席迪史提芬奴，就讚巴塞係獅子，皇馬係老鼠。連一向係皇馬粉絲嘅西班牙網球手拿度，就嘆巴塞實在太勁，摩連奴死守都係無可奈何。