周日愛斯賓奴主場對馬德里體育會，原本只係一場普通西甲比賽，但觀眾席上就出現咗位英國稀客、曼聯領隊費格遜嘅細佬馬田費格遜（圖）。馬田費格遜97年已經幫費Sir做球探，家已經係曼聯主球探，負責歐洲區搵新兵；今次馬田嚟到西班牙巴塞隆拿市，梗係睇馬體會嘅門將迪基亞，既然費Sir搵得細佬攞料，睇嚟迪基亞做雲達沙接班人機會都越嚟越高。