民建聯噚晚改選領導層，人物熟口熟面，曾鈺成愛將李慧琼獲「祝福」，時來風送升呢做副主席。該黨高層一直屬意阿琼出選超級區議員，如今更上一層樓，去馬機會又高一線。其實上屆已有人游說阿琼做副主席，今屆先接棒，佢話係因為已經入立法會三年，經歷高鐵同政改等硬仗，睇到社會氣氛轉變，所以希望同黨友作戰。
連場選戰在即，「萬人黨」昨推出新口號，創黨起沿用多年嘅「真誠為香港」退役，取而代之係「一個有承擔的政黨」。是否意味民建聯目標在下一屆政府要「承擔」更多要職呢？主席譚耀宗強調民建聯向來以有承擔態度參政，睇到家有從政者不是謾罵就是破壞，所以民記更要標榜有承擔喎。