皇馬教練摩連奴一向治軍嚴明，佢就賽前講到明，就算球隊贏咗西班牙盃，都係得一晚休息咁大把，翌日周四一樣要操練。另外，上仗皇馬主場和咗巴塞，其中一個原因可能因巴拿比奴啲草比平時長，影響巴塞嘅地波發揮，摩連奴已經下令球場嘅草地管理，直至下周中主場對巴塞嘅歐聯，都唔可以剪草，希望用長草減低巴塞威力。