今屆香港電影金像獎最佳男、女配角由《打擂台》的泰迪羅賓和邵音音奪得，邵音音繼08年憑《野良犬》奪得女配角獎後，再度憑《打擂台》捧走同一個獎項，她上台領獎時表現激動，幾度喜極而泣，邵音音形容得獎興奮得令她感到暈眩、高血壓及腳軟，她談到得獎感受時高興地說：「好開心，既然我都攞到，希望《打擂台》攞多啲，唔爭在，我到家都唔敢相信我攞到。」
感謝老闆劉德華
奪得最佳男配角獎的泰迪羅賓得獎時，台下眾人報以熱烈掌聲及歡呼聲。泰迪羅賓於台上說：「我家真係一片空白，我好開心，可能有啲朋友唔知，我30年前、唔知第一定第二屆都有提名，而且提名過好多次，又頒過獎好多次，但係從來都冇攞過獎，我會好好珍惜呢個獎。另外要多謝兩位年輕導演，以及肯支持我哋嘅老闆華仔（劉德華）、年輕監製林家棟。」他又多謝太太一直令他無後顧之憂，並教導好兩名子女，最後他感激伯樂徐克。
泰迪羅賓在後台接受訪問時開心說：「之前好多人都話我會攞男配角獎，搞到我好大壓力，經歷咗30年電影生涯，多次提名，每次都大熱倒灶，以前我只會覺得自己係一個幕後人，家我會覺得自己係一個可以做戲嘅演員。」
