食典：RitzCarlton重開　鹹食朱古力

三年前中環RitzCarlton結業，人人大嘆少幾間高級餐廳。三月底酒店重開，命名麗思卡爾頓，以全球最高酒店姿態登場，六間餐廳及餅店同步開張，吃飽飽同時有靚景相伴，眼睛及嘴巴一同喝采。

記者：劉定堅
攝影：楊錦文
模特兒：Catherine@PureModels

103層
ChocolateLibraryValrhona朱古力名牌

朱古力迷必到「ChocolateLibrary」！入座前，請先往自助糖果瓶，內有棉花糖、熊仔糖等任取任食，讓味蕾作好準備才打開餐牌。最抵吃是經典朱古力下午茶餐，有兩款鹹點加七款甜點，全部用法國名牌Valrhona朱古力製造。鹹點？對，連鹹點也用上朱古力，煙熏法國鴨胸伴合桃包和可可朱古力包伴鴨肝醬包你一試難忘；甜點則有白朱古力杯、牛奶朱古力黃梅、朱古力紅桑子撻、草梅可可撻、朱古力拿破崙酥、橙香朱古力蛋白杏仁餅和雲石芝士蛋糕，另配中西茗茶、咖啡或熱朱古力。話明是圖書館，餐廳又豈只一個吃字這麼簡單？窗旁放滿各式朱古力食譜及書籍，邊吃邊增進知識。

■有朱古力食譜看，又有靚海景，眼睛與嘴巴忙個不停。

煙熏法國鴨胸配朱古力醋$185

意大利黑醋混朱古力醬汁，鴨胸肉嫩得自動滑入喉嚨。

朱古力焦糖牛油麪包三文治$130

三文治表層脆糖用牛油煎至香脆，中間半溶朱古力餡，甜入心。

102層
Lounge&Bar　十萬粒水晶

走入「Lounge&Bar」，目光先被兩盞巨大的沙漏形吊燈吸引，閃呀閃，原來用了十萬粒水晶打造而成。裝修高貴，但這裏氣氛絕不拘謹，下午有Liveband伴奏，一排面對太平山頂的卡座坐得好舒服。食物選擇夠豐富，有齊東南亞、美式、意大利等風味，總有一款合你心水。此外還有十二款香檳供應，一般西餐廳只會整瓶出售，這裏連$2,500一瓶的KrugGrandeCuvèe都有杯裝供應，一個人來嘆香檳都唔肉痛。

■沙漏形吊燈有頂天立地之勢，兩盞加起來用了十萬粒水晶。

■簡單一盞大吊燈，已營造到高貴氣派。

■喜歡這面窗口座位，可平視太平山。

■102層三間餐廳以走廊貫穿，模特兒猶如行catwalk。

意大利麪條配紅蝦及脆水瓜柳$240

西西里紅蝦海水味濃，意大利麪條外表乾身，入口綿滑。

海南雞飯$205

用新鮮雞炮製自然嫩滑，油飯不加椰奶，口感較輕盈。

KrugGrandeCuvèe$500/杯$2,500/瓶

Krug在香檳界有名氣，泡沫細膩。

特級美國安格斯牛肉芝士漢堡包$190

安格斯牛肉牛味濃，剁碎製成漢堡扒，麪包每日鮮製。

1.開放式廚房，廚師專注煮菜的表情，一覽無遺。

2.這幅牆似不似一個百子櫃？

3+4.餐廳夠高，俯瞰無敵海景，真爽！

102層
天龍軒　頂級叉燒

中菜廳「天龍軒」樓底夠高，天花垂掛大吊燈，一幅牆做成百子櫃模樣，每個格子收藏一種茶葉，吃飽大可呷一口頂級福鼎銀針白毫靚茶，一樂也。想欣賞廚師手藝，可坐近開放式廚房；想把風景一併吃下肚，可坐一列靠窗座位，日間陽光充沛視野開揚，有綿延不絕的城市靚景和海景送飯，胃口自然大增。
叉燒是必食推介，好普通？錯了，此叉燒有別於彼叉燒，因為用的不是一般五花腩，而是成本貴幾倍的西班牙黑毛豬，用料絕對是三級跳。黑毛豬出名肉質鬆化，只用瘦肉不加鬆肉粉，口感不會韌如擦字膠，更比香港人愛吃的半肥瘦健康得多。餐廳總廚劉秉雷師傅，曾於半島酒店「嘉麟樓」任職，喜歡嘗試新食材配搭，簡單如點心蝦餃，也只用蝦隻的前半段，而且不加豬肉，啖啖爽口足料。

蜜燒西班牙黑豚肉叉燒$180

只用瘦肉也燒得鬆化無渣，一客只得八件矜貴無比。