在國家元首也要接見大地產商的年代，惟有小販可以跳出地產商的牢籠，不按地產商的牌理自由謀生。文化評論員馬國明認為，小販行業讓基層找回尊嚴。
黃華興與馬國明的父親都是小販，黃家磨較剪，馬家賣魚蛋。黃華興說，父親當年在區內磨刀手藝數一數二。他說：「人哋睇起嚟微不足道，但係佢覺得自己有價值，好似我老竇咁，喺老婆仔女面前有尊嚴，呢樣嘢係打份工搵唔到o架。」
馬國明父親就以真材實料無加粉的魚蛋自豪：「你叫佢申請綜援即係叫佢等死，咁嘅生活有意義咩？點會好得過檔口係我嘅，我做出嚟嘅嘢有人欣賞？一個社會有咩好過連最低層嘅人都覺得自己有尊嚴？」
巿民有權用城巿空間
去年印度辦英聯邦運動會，新德里政府掃蕩小販粉飾太平，全國小販商會向印度最高法院提出司法覆核，結果勝訴。他說每個巿民都有權使用城巿空間。雞蛋仔伯伯被充公生財工具，他最感氣憤，「點解要充公佢架車呢？隨街亂泊車夠阻街咯，點解只係抄牌唔充公架車？」