周秀娜（Chrissie）昨日聯同前車路士球星蘇拿（GianfrancoZola）以及前費倫巴治罰球高手奧高查（Jay-JayOkocha），到apm出席「歐冠盃世界巡迴Show」。Chrissie透露其好友、曼聯球星里奧費迪南六月會來港，她更考慮屆時帶里奧到沙灘玩。
周秀娜與蘇拿及奧高查兩位球星，昨日一同到apm出席活動。兩位球星於活動上大展球技，全場球迷報以熱烈掌聲，後來司儀要求Chrissie示範球技，她笑言不想獻醜而改為表現魔術。
轉軚撐美斯
Chrissie之前於網上認識了曼聯球星里奧費迪南，不過她昨日竟然轉軚支持巴塞隆拿的美斯，她說：「我一向都好鍾意美斯。」事後Chrissie接受訪問時被問到為何不支持好友里奧費迪南？她即改口風說：「我梗係撐里奧啦，不過我男友都好鍾意巴塞，我好希望呢兩隊都可以有機會對戰，仲想里奧贏埋。」
同時，Chrissie說里奧費迪南完成五月的慈善賽後便會放假，更會到香港與她會面，她現時正計劃行程，她說：「我哋喺網上有聯絡，佢六月嚟都唔知帶佢去邊度好。」記者提議Chrissie與里奧到沙灘游水，她說：「都好，六月開始好曬，或者我會帶佢同我男友打籃球。」
拉男友同行
Chrissie被問到會否想與里奧獨處而撇甩男友，她答說：「唔會啦，多啲人熱鬧啲，多啲提議。」此外，擔任司儀的衛志豪在活動期間險些仆倒，幸好在旁的Chrissie立即將他扶住。
採訪：李珮洳
攝影：陳順禎