好耐冇現身嘅谷德昭女友林子萱，噚日為時裝騷擔任司儀，問佢點解咁耐唔見人，佢話近年身體唔好，休息咗一段時間，佢話諗過淡出娛樂圈。咁唔做娛樂圈做乜好呢？林子萱話：「我諗住考番個瑜伽導師牌，因為我俾鍾麗淇啟發，見佢玩咗瑜伽後身體好咗好多，所以值得一試。」林子萱透露已經報咗名讀瑜伽班，但係目前都要做吓嘢幫補學費喎。