窩輪摶擊:永利基金買盤盛 28788博升7成 - 俊樺

窩輪摶擊:永利基金買盤盛 28788博升7成 - 俊樺

內地通脹升溫係市場預期之內,經濟增長升幅勝預期亦係好正常,因為通脹係推高經濟增長嘅一個原因,中央既要維持經濟增長又要防範通脹,未來嘅調控措施仍然會係克制而有秩序進行,對經濟唔會有太大嘅衝擊。
港股上禮拜橫行偏軟,向好大形勢冇變,恒指收24008,同日花旗股市升56點,道指收12341,大成交支持升勢,對港股有利。個股方面,濠賭股走勢強,短炒有睇頭。
永利C輪28788:永利澳門(1128)收26.25元,升2.3%。股價持續強勢,成交大增,應該有唔少基金買盤,短線好大機會上試30元,中線就更樂觀,可以諗吓隻C輪28788。
隻輪現價45仙,2011年7月11日到期,行使價23元,溢價4.8%,引伸波幅52.9%,槓桿率5.8倍(有效4.3倍),正股升上30元,28788睇75.6仙,升幅近7成,都幾吸引,正股跌穿24.80元就沽咗隻輪。
俊樺