近年轉戰內地的藝人莫少聰，昨日證實因吸毒在北京被捕，令到外界再次關注藝人有吸毒不良嗜好的情況。
泰迪羅賓 好多年前我同佢喺同一隊球隊踢波，當時我覺得佢係一個好有energy嘅演員，幾OKo架，但對於佢吸毒呢單新聞我就唔係好清楚，nocomment。
曾志偉 我都係啱啱先知，其實同佢都幾friend，但我唔知佢有冇乜嘢唔好嘅嗜好，見到佢都咁弗，成日跑步。我有喺微博試吓同佢聯絡，但佢都冇覆我，暫時我都未係好清楚件事係點，所以都唔好講咁多。
何韻詩 幾嚴重，呢個問題唔係淨只藝人，唔係一個好習慣，每個人應該潔身自愛，尤其係公眾人物，呢個係社會問題，香港社會壓力太大，要向源頭着手。
薛家燕 我冇同莫少聰合作過，不過毒品真係少掂為佳，係咪第二啲朋友食引誘佢呀，我同佢真係唔熟。
孫耀威 我知道呢件事，知道涉嫌姓孫嘅藝人，好彩我喺度。我識得莫少聰，我初初喺台灣出道，係同佢同一間唱片公司，呢幾年冇聯絡，最近嗰次都係兩、三年前喺大陸片場見過，知道佢鍾意飲酒，冇見過佢做過呢件事，唔應用毒品，做犯法事尋求快樂，好危險，健康係一世，希望件事快啲解決，如果件事係真嘅話，希望佢得到一個教訓，叫人唔好試，呢個世代唔需要用毒品尋求快樂，夾吓band，做吓運動，或大飲一場，至少都唔係犯法。
