喜歡《打擂台》這套電影，連帶欣賞聯合導演的郭子健跟鄭思傑。以有限的金錢拍出創意，電影講述勵志。影像背後跟現實交融，變成郭、鄭二人的夫子自道。無意冒犯，但活脫脫就是臨時演員等派飯盒的成功例子。
導演：拍得麻麻
《打》片成為今屆金像獎獲最多提名的電影，當中更獲最佳電影及導演提名，鄭思傑自言未想過有一片成名的感覺，他早前接受訪問時說：「多咗行內人認識、機會多咗，唔知咁算唔算係？最大成名感覺係之前着西裝影金像獎嘅場刊。」另一導演郭子健，曾在大半年前的訪問中自嘲「點解我拍唔到甄子丹」，今日就跟周星馳合作搞電影，籌備開拍《大話西遊》。
郭、鄭一心以為《打》片這個十多年前的劇本會不見天日，現在成為電影已算奇蹟，再打入金像獎又成就另一個奇蹟誕生，郭子健說：「老土啲講句，入圍金像獎仲攞咁多提名已經當贏。拍嗰時諗住會衰，你話部戲啲技術係咪好好？完成度係咪夠高？我哋事後睇認為拍得麻麻，去到呢步算超額完成。」
當然，對一部18日內完成的電影又未必可以有所苛求，鄭思傑笑說：「老闆劉德華同監製林家棟夠博囉，咁冷門嘅題材都肯開。但事實證明原來佢哋唔係儍，同埋班演員真係有料到。」
採訪：何永寧
攝影：彭琮然