寶威（024）現價喺1年低位浮沉，相對其他鐵礦股平均PB平，有得諗吓。寶威近年積極拓展內地鐵礦業務，家陣喺山東萊陽市鐵礦場項目，初步勘探鐵礦石資源量高達6.4億噸，唔係嘢小。而集團繼年選礦能力180萬噸嘅1號洗選廠投產後，2號年選礦能力500萬噸洗選廠，亦將喺6月投產。
要咁睇，鐵礦價格keep住高位徘徊，又隨住寶威鐵礦業務落實營運，本年度可以為集團帶嚟唔錯貢獻，加埋祖國經濟高增長，及日本災後重建，呢壇製作長賺長有。又寶威連先排配股後NAV每股0.465元，現價（0.455元）PB唔夠1倍，場內同業平均PB上到1.5倍，寶威PB吸引。呢轉博追返同業平均PB水位，寶威要見0.70元，即係現價翻半番。
錦興折讓大博得過
錦興集團（275）現價0.345元，係近3年低位，現價亦貼近前排10合1之後嘅大折讓供股價0.30元，而經過呢次合股供股，相信集團短期唔會再有伸手動作。再講，經呢次大折讓供股，錦興相對供股後每股備考NAV2.38元，仍然大幅度折讓85%，現水位抵博。真係係咁意博錦興折讓收窄至70%，股價見0.71元，即係現價要翻一番。
錢雋