唔少圈中男藝人都鍾意儲手錶，原來台灣舞王羅志祥（小豬）都係其中一個，佢話因為自己通常都鍾意着黑色衫，所以黑錶自然就係佢嘅首選。近日小豬就騷吓佢嘅收藏品，當中有豹紋手錶，真係幾妖艷。佢仲講咗自己最瘋狂嘅一次，小豬話喺28歲生日嘅前夕，佢喺自己戶口提走咗一叠現金，買咗一隻268萬新台幣嘅鑽錶，佢話嗰次真係好豪氣。