周六在溫布萊上演的英足盃曼市打吡，又是一次弈棋。曼聯朗尼停賽，曼城泰維斯養傷，感覺是各自收起一「車」，若如此，還值信曼聯的勇態，以至弈棋者功力的差異，捧紅魔可在這場準決賽逞強，少讓平/半捧上盤。（球賽編號：星期六44；now671台明日12:15am直播）藍鑽石
曼聯已經在各項比賽7連勝，遇上剛作客吞利物浦3蛋的曼城只少讓平/半，可能與盃賽、聯賽始終不一樣有關，亦可能是普遍同意朗尼缺陣對曼聯之影響，遠較泰維斯缺陣對曼城的影響為大。
姑勿論如何，曼聯少了一個殺手是事實，不過其他核心球員最近都交足功課，傑斯在歐聯的表現，令人忘記他已經是37歲，至於「小豆」查維亞靴南迪斯大勇，以至復出後一直有平穩演出的路爾斯華倫西亞，都足以構成威脅。談到防線，曼聯今仗除了右閘略為失色外，其他重心都可上陣，防線無憂，可望除去曼城這口爭盃的眼中釘。
曼城缺鬥志乏隊形
曼城剛在聯賽被利物浦大敗，或多或少與先收起大衛施華及尼祖迪莊有關，但整體發揮欠佳，乏隊形又是事實。不論在整體隊形，以至中場聯繫，曼城至少差曼聯一皮，而在這富豪球會身上，我也看不到具備在盃賽構成爆冷的重要元素──鬥志。估計曼城領隊文仙尼又會沿用之前幾次對曼聯時的龜縮踢法，等候機會反擊，可惜缺少泰維斯，單靠未發揮出德甲時水準的迪斯高，或甚行為迹近失心瘋的巴洛迪利，最後埋門一腳的把握都會減弱，今仗出冷機會甚微。若如此，領隊文仙尼可以執定包袱。
博上盤兼投「客/客」
曼聯領隊費格遜應該心知前線後備選擇不多，一旦久攻不下需變招就麻煩，必快刀斬亂麻，若信曼聯可勝，不妨信其由頭贏到尾，除了上盤外，「客/客」亦是理想選擇。
賽制：90分鐘內打成平手，需加時再決勝負（加時分上、下半場各15分鐘）。倘若加時仍未分出高下，則以互射12碼決勝。
星期六44
曼城vs曼聯 0:2
半全場：客/客
盤口：曼城受讓平/半
讓球：上盤
盤口：曼城[+1]
讓球主客和：A客勝
《花絮》
英足盃決賽冇預窮人
今年英足盃決賽，睇怕只有有錢人先睇得起，事關啲門券瘋狂加價，最貴嗰種由舊年嘅95鎊大幅加至115鎊，加幅超過兩成；至於最平嗰種亦加咗成5鎊，由40鎊加至45鎊。曼城球迷會秘書奇雲柏加就話：「如果畀得起嘅，用115鎊睇波當然冇所謂，但問題係，根本冇乜人負擔得起呢個票價。
里奧否認寸曼城
場曼市英足盃未開波，曼聯中堅里奧費迪南已撩㷫曼城班球員，事關佢日前唱衰對方冇紀律，唔識得尊重球會、隊友同領隊文仙尼，但轉頭佢就喺Twitter澄清話自己冇咁講過。不過，佢就喺Twitter同隊友朴智星開玩笑，話對方體能咁好，都唔知係咪飲汽油大。
爛口朗尼有愛心
曼聯前鋒朗尼雖則爛口，間唔中就發神經對住電視鏡頭講粗口，不過喺小朋友心目中，佢依然係咁受歡迎。患有腦癌嘅5歲大球迷積馬素爾喺曼聯中堅里奧費迪南協助下，日前就去曼聯練習場參觀，當佢見到朗尼時仲主動咁錫對方一啖（圖）。唔知呢一吻，可唔可以令朗尼唔再做「爛口發」呢？
