今年饑饉之星何韻詩，昨日與鄭欣宜、許廷鏗、吳雨霏等於香港仔運動場出席活動。欣宜的契爺鄧光榮前日出殯，她表示心情開始平復，她說：「相信契爺見到件事辦得咁好，佢會好安慰。契媽好叻，只係頭兩日情況唔係太好，之後佢間中有講有笑。」欣宜謂父親鄭少秋有送花圈表心意：「佢叫我幫佢做咗花圈，放喺靈堂入面，我都有影相。」
吳雨霏將離金牌
吳雨霏6月將會約滿金牌大風，言談間似決意離開，她說：「我喺呢間公司八年，以往一直好配合我，有機會同第二度嘅人合作都係好事。」她表示稍後會正式公佈去向。另外，DJDonald於5月14日結婚，他表示有跪地求婚，未婚妻更即場致電回家，得到母親批准才答應，又謂已邀請曾傳緋聞的好友阮小儀反串任伴郎。
採訪：王連連 攝影：黃文偉