早幾日八方同大家講過，我老闆肥佬黎粉墨登場拍廣告，喺後巷俾人追到氣咳。上集出街後，個個都問八方究竟搞邊科，查實係《飲食男女》推出iPhoneApp，製作咗兩條廣告片。其中一條片，肥佬黎手舞足蹈，好high咁同成班人一齊download、一齊食嘢。另一條片就有蘇施黃、周秀娜（圖）、陳淑莊、黃婉曼同蔡瀾齊齊食指動，講番個app，裏面唔止有食肆優惠，連漢堡包團購都有！
