「鳳凰計劃」終於拍板去馬，自己都好大感觸。我感觸，唔只因為自己半年前為咗做功課睇晒顧問公司100幾頁嘅報告，之後自己又寫咗幾十頁嘅傳媒報道分析，最重要係終於有人肯搖吓棵老樹，總算係港足火鳥重生嘅一個契機。希望唔係好似羅生所講，有啲人未睇晒個建議就表態贊成，或者以為有錢派，而係真心推動個計劃。
相信曼城球迷好羨慕曼聯有粒「小豆」，鬼咩，曼城前鋒唔係傷、狀態起伏大，就係好似巴洛迪利咁失心瘋，成條曼城鋒線，唔見得有邊個係真心為隊波貢獻，呢個唔只會係今場曼市打吡嘅勝負分野，仲係曼城未有耐追貼曼聯成就嘅關鍵。信番自己嘅推介，曼聯讓平/半好筍，上盤穩。
文：藍鑽石
星期六44
曼城vs曼聯
心水：曼聯（上）
心得：冇朗尼都食得住曼城