減班？定唔減班？為咗呢個問題，九龍華仁書院管理層同班有錢校友面左左，校長陳岡就話校友組成嘅基金會干預校政，於是另起爐灶搞咗個「無條件愛華仁」嘅籌款活動，啱啱禮拜三先開始籌款，第二日就已經籌到30萬。八方問過啲校友，有人認為冇咗班有錢師兄之後唔可能籌得咁有效率，若然唔係神秘人背後發功，就係個籌款計劃根本就一早已暗啞底開工。
一樣要減班嘅仲有皇仁書院，有班校友聽日會開記者會力數校方跪低向教育局獻媚，仲搵埋校友湯家驊幫手；湯大狀話學生同校友不滿校方冇諮詢，舊生會又唔企出嚟。不過懷疑被河蟹嘅皇仁舊生會，噚日發聲明劃清界線。