近來喺內地香格里拉拍緊新戲嘅古天樂，噚晚返咗香港去金鐘行騷，佢話好彩有學過吓，所以都冇失禮，行到似模似樣。講到同鄭秀文喺內地拍戲，古仔話當地天氣一時凍到零下幾度，有時又有廿幾度，仲有工作人員有高山反應。古仔又話：「當地見最多係牛、馬同羊通山跑，所以拍完呢套戲我想休息吓，同屋企人去南非睇動物大遷徙。」