蘇志威前晚喺將軍澳電視廣播城錄影無綫節目《華麗明星賽》，早前佢被影到同個年輕女子約會，佢話兩人見面係傾公事，仲話：「我同個女仔食飯得我老婆知，可能我冇同個記者講，所以佢話我鬼祟。」蘇志威笑言多謝雜誌讚佢保養得好，不過佢不滿內文彈太太劉小慧身材差：「唔好用支筆傷害我老婆，身材差我會叫佢返我跳舞學校跳兩堂。」