藝員羅樂林廿四小時死五次，威震國際。作為演員，劇本所需扮鬼扮死，專業精神可嘉，但可能隨時招惹陰靈纏身！想死得安全？只需冲個鹽水凉，咩邪嘢都無晒啦！
記者：潘紫芳
攝影：陳陶鈞
鳴謝：呂法傳（六壬道術師傅）
扮鬼惹陰靈 瞓棺材最邪
雖則拍戲而已，但好人好姐扮死扮鬼魂，總覺陰氣籠罩，過程中易招陰靈。呂師傅指：「無論室內或室外、日或夜，周遭都有靈體存在。當劇情涉及自殺、橫死……都有機會與遊魂野鬼的死因相同，從而觸動它們，認為彼此屬同類，繼而纏繞你，甚至找你當替身。」棺材，乃離世者軀殼藏身之所，空置棺材都會惹來靈體寄居，「鬼不懂分真假，無論是道具或棺材店借取的，靈體一見，自動埋位。」演員躺在其中屬撞煞，會惹陰靈不快並滋擾你。若然拍攝後，發現眼白位置出現黃點，或在眼睛周圍生瘡、紅腫等，有機會是陰靈纏身的徵兆，須找法師驅邪；也有拍攝後病倒，甚至運滯。就算只借出照片作墓碑或先人牌位之用，也須收取利是，以示吉祥。
做足保險
一般開戲前會請法師進行開鏡儀式，特別是靈異類，藝員黎諾懿：「TVB開劇前會有開鏡拜神儀式，拍攝鬼怪場面當日，場務亦會再拜神上香。」做足工夫算是買了基本保險，通知鬼神進行拍攝，望其不要打擾。若仍擔心，可做足下列事項。
1.如意利是 即收即用
開工前後向有關人士收取利是，金額須為單數，以示不祥事不再發生。因非護身符，不宜長期跟身或帶回家，應即日花掉。
2.掛護身符 腰肢以上
可向主持儀式的法師或廟宇拿取護身符，但不能放腰部以下，應放心口或掛頸上，直至拍攝完畢，連同溪錢、元寶化掉。
3.入廟測試 安全無事
廟宇有門神看守，陰靈不得內進。若覺精神欠佳、思緒混沌，但入廟則神志清晰，或已被靈纏身。
4.百解一掃 衰氣全消
在紙紮店買份「百解」，手持於家門外掃勻全身再化掉，並跨過火堆，象徵掃掉身上不祥氣息。
5.鹽水正氣 驅走不祥
太陽、月亮及星星為三光，具正氣，能驅走不祥，常用於開光。鹽乃經太陽照射海水而成的晶體，以鹽冲身，能藉此冲走附身的不好東西。
6.陽氣露水 洗面辟邪
端午節是廿四節氣中陽氣最盛，露水被視為陽氣之物，能除煞，可採端午露水洗臉辟邪。
安全扮死
旺底透紅
「只係喺《七號差館》扮過一次鬼！拍上吊戲嗰兩日，劇組都有畀利是，好似幾蚊，即日都用咗。我係基督徒，唔理邪唔邪，但朋友叫我避忌啲，所以拍攝期間，我都戴十字架同着紅底褲。有次出外景落雨，弄濕白衣，透晒紅底出嚟呀！」
5毫子利是辟邪
「拍咗40年戲死過百幾次，咩死法都有，唔覺唔好意頭，唔應該將運滯賴落部戲。不過拍這類場面都有利是。以前電影公司老闆畀$100，後來$10、$2，甚至$0.5，都係意頭啫。今次成為城中佳話，都算另類回憶！」
