葉童同車淑梅都係宣明會資深助養者，之前佢哋仲去咗孟加拉探訪，其間葉童探訪咗一批相當貧窮嘅當地人，佢哋住嘅地方十足山洞咁簡陋，葉童探訪完好感慨話：「佢哋屋企完全冇文明，電燈電飯煲電話一律欠奉，如果冇人幫佢哋，相信佢哋都好難走出貧窮嘅苦況。」葉童仲話會大力呼籲，希望可以有更多人出力幫忙。