蔡卓妍（阿Sa）昨日在山頂為新碟開祝捷會，霍汶希代吳雨送了一個水晶獎座預祝她入行10周年，阿Sa謂年中會出碟慶祝。前夫鄭中基發聲明證實女友余思敏懷有四個月身孕，阿Sa說：「希望佢可以幸福，有BB係一件開心事。」
讚前夫好爸爸
有指當年他倆婚後，鄭中基一直恨生B，但阿Sa不願生，對此她說：「識我嘅人都知我鍾意BB，係時間囉，不論結婚、生B、拍拖，都要講righttime，BB係上天送畀你嘅禮物。」
由過去到現在都不是對的時間？阿Sa說：「起碼要係一個成熟嘅時候。」鄭中基一直恨做爸爸，阿Sa說：「我同佢一直都好鍾意細路仔。」她相信前夫會是一個好爸爸，自己就希望先結婚再生仔，順天而行。至於會否和陳偉霆生，她也說順其自然，又指自己昨日看到林峯落淚報道，也眼濕濕。
採訪：梁錦雯
攝影：陳順禎