喺我開始睇波嘅時候，曼聯係就係好出名，但就一啲都唔勁，唔學似家咁，無論喺國內外都係爭標分子。記得嗰陣時最勁嗰隊係利物浦，佢哋唔係我杯茶，不過唔鍾意還唔鍾意，佢哋嗰陣時啲波真係好勁，搓幾十腳波唔會斷。嗰陣時我唔係紅軍粉絲，不過有個別球員都幾喜歡，例如係家陣喺美職聯新英倫革命教緊波嘅尼高。尼高雖則係打右閘，不過技術相當之好，而且佢有一大特色，就係對腳超大，着成13號（英國size）鞋㖭。
利物浦明晚作客阿仙奴，我冇乜心水，反而場西甲國家打吡就好有靈感，覺得皇馬可以贏巴塞，但呢場波我信嘅唔係皇馬班球星，而係摩連奴。
文：青蛙仔
星期六63
皇家馬德里vs巴塞隆拿
心水：皇家馬德里（平）
心得：信摩佬