【本報訊】元朗兩個新盤埋身肉搏，新界西北區二手交投急凍，部份業主更要減價沽貨。細價屋苑天水圍嘉湖山莊錄得業主減價6%成交。市場表示，受新盤開售氣氛帶動，市民有意在區內物色平價貨，二手市場睇樓氣氛有望好轉，但因代理空群而出，甚至有分行總動員出擊推銷新盤，短期內二手成交料偏淡。
祥益地產分行主管謝利官表示，新盤開戰之外，撞正銀行加息，買家入市步伐放慢，業主要沽貨，要擴大議價空間，或索性減價。嘉湖山莊樂湖居14座中層C室，業主原開價235萬元，及後新盤低價開賣，業主隨即「有得傾」，最終獲區內上車客減價15萬元以220萬元購入，減幅6%。
二手受新盤低價影響
另外，祥益地產分行主管古文彬表示，受新盤連環出擊刺激，不少外區客往屯門區睇樓，睇樓氣氛反轉活躍。部份市民認為新盤地區偏遠，寧願轉投二手樓。屯門聚康山莊3座高層A室，590方呎，業主原叫價260萬元，銀行亦估到價，其後受新盤低價招徠，業主為增加競爭力，遂降價至253萬元成交，減幅2.7%。他預期，受惠新盤促銷刺激，區內睇樓氣氛會轉旺，部份欲出貨業主，議價幅度亦有擴大趨勢，由早前1%至2%外，另可額外議價2至3萬元，料新盤銷售過後，購買力陸續回流二手市場。
樓價升勢將繼續受阻
中原城市領先指數CCL最新報96.55點，按周下跌0.45%。3月11日銀行首次加H按息後，樓價連續三周下跌，累積跌幅為1.63%。昨日銀行第二次調高按息，而且4月13日政府公佈季度賣地表加快土地供應，估計會對市場造成心理壓力，原先樓價升勢繼續受阻。