總覺得資訊跟得太貼，只會將心意變得太快，易做錯決定；所以能退一步，氣定神閒，有時會得到更多輸少好多。英甲少人賭，但現在幾支前列球隊彈開咗，反值得多望兩眼，趁僅剩3隊正埋身肉搏爭一個直升位收窄推敲範圍。今次重心放在修咸頓同彼德堡大炒對手身上，莊家唔怕大家賭波膽，小弟偏要大力支持。
上周同一位貼近正牌莊家開盤手的內幕人士飯局，談到原來今季暫時5大最多人投注的場次，上月公仔箱直播的澳職季後賽決賽俱榜上有名，只因當日戰情峯迴路轉，吸引大量走地盤賭下一個入球賭到互射12碼賭冠軍，證明球迷看到即場戰情，加上現場直播評述員推波助瀾，最能引發不斷「打倒昨天的我」的思緒，下注求過癮。
另外，波友一向有微言正牌莊家極少開亞洲盤，該幕後人解釋二分一機會，多開幾場越大風險，個班頂頭鬼佬操盤手「唔多願開」；但我認為賭博最大風險從來在閒一方（除非莊家開錯盤，好似某窩輪商），要用最少200蚊一注押下去，以為易贏，其實貨如輪轉，還不是莊家最樂見。故我從無介意等待大捷的心情，那管是等一星期或是一個月，反正風險與回報成正比，買馬最喜將注碼射到尾場博過到關減少注數；上周末日馬中「奇葩」射「卡達聖」尾口冷孖寶，派彩竟升水超過40%，小注高回報才是全周最大的滿足，感覺遠勝夜晚見阿仙奴老正贏黑池3:1。
賭波堅持將部份注碼放在波膽過關，有心水亦不介意跨日過關，「下一個入球」極少沾手。今天先談英甲，修頓同彼德堡分途迎戰魚腩布里斯托流浪同降硬的普利茅夫，雙雄鋒線一向銳利，上仗齊作客失分當回一回，今戰正路大捷，再同哈特斯菲爾德搶一個直升位，博大炒波膽中到一場已有肉食（心水請參考貼士表），最好還是從沒直播，買定離手。
真的要賭讓球盤，一條二串一曼城射阿仙奴跨日讓球盤，轉低水則興趣不大，大家留意長賭該球盤平/半低水輸面最大；冷門，繼續追荷甲奇兵海牙，贏到莊家都不信，今次有4.25倍，何妨作過關串射。專家、內幕人士貼士未必可信，超人入股的公司，股價亦未必會升；連所謂股壇金手指減持手上部份的珠寶股，也在翌日起股價不跌反一路向上，證明自己有信心，基本因素不變，毋庸騰雞。
文：蘋果波神
貼士
混合：曼城勝（3.4）/海牙勝（4.25）/昆士柏流浪勝[-1]（2.2）3x4
讓球：曼城（下）/阿仙奴（上）2x1
波膽：彼德堡勝5:1（30）、主其他（14）/修咸頓勝3:1（10）、4:2（30）2x3
（左起為最有信心之選）