安災好定iOS好？討論區日日鬧到坼天！不過估唔到Intel喺北京IDF展會咁有魄力，發表新Atom670處理器同時，場內仲大晒MeeGo新平台！佢俾人感覺就好似一粒爆漿瀨尿牛丸，可同時支援Android、MeeGo同Windows三大平台！
咪以為概念嘢、大隻講！同場仲展出一部手掌咁大嘅RazerSwitchblade，佢個英文鍵盤除打字用途，喺打機時仲可以變身為遊戲指定快捷鍵，喺實用多變同真實手感間取得平衡；好貪心咁諗，如果侵埋超獨食嘅iOS玩，會唔會從此天下太平呢（不過無乜可能囉！）？
記者：朱崇德