一向鍾意親近大自然嘅紅姑鍾楚紅，連續第七年為香港地球之友做《綠野先鋒植樹比賽》嘅綠色大使，日前紅姑就同一班工作人員重訪首屆《綠野先鋒》嘅元朗植樹場，探望七年前種落嘅樹苗，當日紅姑再親自種咗一棵樹苗。紅姑完成後好開心咁講笑話：「呢個係我個仔！」佢見到現場嘅泥土好乾，就將自己用嚟飲嘅水，淋晒落棵樹苗度。