陳豪噚日喺中環出席醫學美容宣傳活動，問佢介唔介意女友整容？佢話儀容好緊要，唔介意女友做醫學美容。陳豪同陳茵媺嘅緋聞傳到鬧哄哄，嚟緊嘅16日係陳豪生日，佢事先張揚到時會喺牙買加同咖啡度過：「可能嗰邊有驚喜派對呢，講笑啫，我都冇女友。」言下之意即係等陳茵媺送驚喜啦。對於林峯又驚爆有新情慾片，陳豪話想件事快啲平息。