「面對現實，接受挑戰，勇敢面對未來。」20年前在進行畢業表演練習時意外跌傷導致全身癱瘓的鄧紹斌（斌仔），對張微小妹妹的遭遇感同身受，他說：「如果張妹妹唔嫌棄我老餅（42歲），我哋可以做朋友吖。」
曾經公開要求安樂死的斌仔，昨晚透過記者對張妹妹說：「我知道突如其來嘅改變，唔係咁容易接受，有時痛苦亦唔係其他人可以明白，但係希望你相信一件事，就係時間真係治療傷痛嘅靈丹妙藥！」
斌仔表示張妹妹現在要做的就是要找到自己的目標，「搵到你想做嘅嘢，相信時間就容易過好多……當初你可能接受唔到，但當你回望過去幾年，痛苦會因為家人、朋友，甚至一啲唔相識嘅朋友嘅關心而慢慢減退。」斌仔又勉勵張妹妹說：「相信你可以搵到你自己下一步要走嘅路，現實係無法改變，唯一可以做嘅就只有向前望。」
本報記者