忽然MCome
JaniceMan話晒係第一代o靚界女神，噚日去圓方撐老闆黎明場，一身高貴打扮都幾煞食o架，但就唔知點解忽然戚起雙眉大笑，十足十M&M公仔咁款。
詐癲有價
主攻拍戲嘅詩雅話過好想挑戰精神病患嘅角色，噚日佢出席金像獎記招時，唔知係咪諗住有好多導演喺度，所以連做訪問都扭盡五官，以浮誇嘅表情望爭取圓夢嘅機會。
跳走靚樣
天氣女神黃婉曼噚日以模特兒身份處女行騷，總算由主持界跳出去模特兒界，不過唔知係咪顧住下身，顧唔到上身，個樣歪晒都唔知，定係佢又口噏噏想講「點呢」？
執埋一箸
早排同李澤楷傳緋聞嘅MandyLieu，無啦啦工作量大增，前晚又去咗尖沙嘴出席MarcbyMarcJacobs活動，執埋執埋真係唔嘢少，睇吓佢笑到眯晒眼就知啦！
反眼上癮
之前陳偉霆俾我哋影到佢chok樣chok到反晒白眼，噚日去尖沙嘴為鞋騷擔任嘉賓嗰陣照chok可也，仲右手插袋扮埋cool，家陣啲高登仔識得佢嘞啩？
撰文：趙堯
