威利國際（273）最近一供八大比例供股，籌咗2.86億至3.72億，仲搵到楊受成（圖）旗下嘅英皇證券等多家證券商出任包銷商。華華睇港交所《證券披露權益》網頁時發現，喺威利公佈供股同日，英皇因應出任包銷商，需要將可能涉及嘅供股股數，喺披露權益度交代，所以喺技術上被視為持有威利29.63%權益；不過，同英皇包銷相若股數嘅結好證券等，就未見公佈。
今次出任包銷嘅，仲有中南證券，若果全數包銷股份，三者分別喺威利各自持股29.63%，實行將威利嘅股權結權大改。由於供股比例較大，估計參與供股嘅人唔會太多，威利嘅股票貨源盡在三大證券行嘅機會大增。三劍合璧之後，威利有咩搞作，大家要拭目以待嘞！