【本報訊】全民退休保障計劃爭議極大，廠商會會長黃友嘉也表明有保留，他指計劃絕非「免費午餐」，也非社會福利，倡議者先必了解市民是否願意多作供款承擔。他建議當局透過改革強積金制度，加強對市民的退休保障，例如參考新加坡做法，容許市民將部份供款買樓，「前提當然係政府有平樓畀佢哋買；如果復建居屋，就可以有多啲平樓賣」。
須了解市民想法
黃友嘉昨日與記者茶敍時稱，認同當局要就退休保障問題進行研究，但指推行全民退休保障計劃前，必須了解市民想法：「羊毛出自羊身上，究竟香港市民接唔接受喺計劃下供款比率提高呢？我諗未必。」他不點名指有政治團體力倡全民退休保障計劃，「佢哋提到似係免費性質，冇幾多句說話係唔啱市民聽嘅」，批評一味叫政府供款的做法「唔現實」，「政府本身冇錢，叫政府出錢即係叫我哋（納稅人）出錢」。
他不反對政府就此計劃進行研究，「但唔一定要做」，反建議當局積極檢討強積金制度，除減低行政費，也指政府可以參考新加坡的全民退休保障計劃，容許市民將部份供款用作置業或醫療費之用。但他補充，新加坡樓價較香港溫和，因此若要參照新加坡模式，當局必須先復建居屋，令市面有平價樓供應。