朗尼因為喺鏡頭前爆粗而被罰停賽兩場嘅事件，英足總判得啱唔啱就真係見仁見智，但有英國傳媒就特別請咗個讀唇專家，喺上星期嘅英超聯賽事精華中，睇吓有冇球員講粗口；結果係幾乎每場比賽都發現球員爆粗，好似紐卡素中場祖爾巴頓（圖）咁，更向住球證講，但都冇事。咁樣判朗尼停賽，係唔係過嚴呢？