剛於3月底生日的美國前財長保爾森，已滿65歲，但依然十分精靈。他昨出席港大研討會時，有學生話佢「差不多成世人都在高盛工作」時，腦轉數勁快的他即刻澄清話︰「我唔係成世都在高盛工作，只係做了32年，不過，我一點也不介意話自己只得35歲。」惹得全場哄笑。
這位猛人大駕光臨，港大方面送了Tiffany水晶碟同紙鎮禮物給他。當保爾森見到份禮物時，就即刻話多謝港大振興美國經濟，認真識講說話。不過，這位前財長兼前高盛舵手一直都熱愛大自然，無做財長後，亦都將好多時間放在環境保育事業，曾經同中國前國家主席江澤民，一起保育雲南虎跳峽。
收禮物讚振興美經濟
保爾森拆禮物（圖）不忘推廣環保訊息，直指禮物包裝紙「認真唔環保」。