東岸「1哥」公牛（紅衫）周日作客以102:99勝魔術，獲得今季第60場勝仗。60呢個數字對公牛嚟講唔止里程碑咁簡單，皆因球隊對上5次獲得60勝或以上，最終都可以贏得總冠軍，公牛球迷都應該好開心，之不過全球嘅球迷對公牛奪冠唔係咁睇好，好似ESPN搞嘅投票所見，有超過36%嘅球迷覺得公牛喺東岸決賽出局，結果係點？真係要拭目以待！